.............അനിശ്ചിതത്വം .......................

അനിശ്ചിതത്വത്തിന്റെ ഇരുണ്ട ദിനരാത്രങ്ങൾ 

 സന്ദേഹങ്ങൾ ബാക്കിയാക്കി വന്നു പോകവേ ,

 പ്രകാശത്തിനു വേണ്ടിയുള്ള പ്രാർത്ഥനയെ  ഇരുൾ പൂഴ്‌ത്തി വയ്ക്കുന്നു ..

എങ്കിലും ഒരിക്കലും അവസാനിക്കാത്ത 

കാത്തിരിപ്പിന്റെ  ഗുഹാ മുഖത്ത്  

ഒരിക്കൽ മഞ്ഞു പോലെ നേർത്ത വെയിൽ നാളങ്ങൾ പ്രത്യക്ഷമാകും ,

അവ നിർജ്ജീവങ്ങളായ രണ്ടു മിഴികളിൽ

 കാഴ്ച്ചയുടെ വസന്തം നിറച്ചു വയ്ക്കും ....

ജീവിത വ്യഥകളുടെ വാത്മീകങ്ങൾ അന്നുടഞ്ഞു വീഴും .

ക്ഷണികമല്ലാത്ത വസന്തത്തിന്റെ തേജോ മയൂഖം  

ഇരുണ്ട ജീവിതത്തിന്റെ ശിലാതല്പ്പത്തിൽ നൃത്തം ചെയ്യും .....

വിരസമായൊരീ  വ്യാമോഹച്ചുഴികളിൽ 

വിടർന്നുയരുന്ന ദിവാസ്വപ്നങ്ങൾ ഇവയെങ്കിലും ....

വെറുതെ വീണ്ടും ഈ മായിക സങ്കല്പ്പ ഭൂമിയിൽ ഒഴുകിപ്പടരാം