മോചനം

കാലം ചലനാത്മകമാണ്  , പ്രപഞ്ചവും .
ചലന തത്വങ്ങളിൽ 

ആഴ്ന്നു പോയ മനസ്സ്  ചപല വികാരങ്ങളിൽ നിന്നും , 

ജീവിത മാലിന്യങ്ങളിൽ നിന്നും മോചിതമാകുവാൻ 

വേദനയുടെ പാരമ്യതകളിലേക്ക് ഊളിയിട്ടു പോകുക തന്നെ വേണം .

അഗാധമായ ദു:ഖത്തിന്റെ ഉള്ളറകളിൽ എവിടെയോ 

പ്രശാന്തതയുടെ വേരുകൾ മറഞ്ഞിരിക്കുന്നു .

സുഖദു:ഖങ്ങൾക്ക്‌  അപ്രാപ്യമായ  ഇവിടെയത്രെ മോചന മന്ത്രം മുഴങ്ങുന്നത് .

 അസ്പന്ദമാകുന്ന മനസ്സിനൊപ്പം കാലം അപ്രത്യക്ഷമാകുന്നു ,

ദിക്കുകളും ആഹോരാത്രങ്ങളും മറഞ്ഞു പോകുന്നു .

ആദിമധ്യാന്തങ്ങൾ ഇല്ലാതതെന്തോ ഇവിടെയുണ്ട് , 

അതുകൊണ്ട് തന്നെ കാലത്തിന്റെ രാഗദ്വേഷങ്ങളിലേക്ക് 

 ഇനിയൊരു മടക്കയാത്ര അസാദ്ധ്യം . 

അചലമായ പ്രകൃതീ ഞാനിതാ വന്നു .